Árekstraröryggi

Öryggisframmistaða Subaru hefur fengið háar einkunnir í ýmsum öryggismatsáætlunum um heim allan, þar á meðal árekstrarprófunum JNCAP í Japan, IIHS og NHTSA í Bandaríkjunum og Euro NCAP í Evrópu. Allt frá því að Subaru 360 var og hét – þegar árekstraröryggi var enn ekki orðið almennt hugtak í bílaiðnaðinum – hefur Subaru haldið áfram stöðugum rannsóknum og þróun á árekstraröryggistækni sinni.

Tillit tekið til farþega og gangandi vegfarenda.

Ef til árekstrar kemur er yfirbygging bílsins síðasta varnarlínan.
Í því skyni að auka öryggi farþega og gangandi vegfarenda hefur Subaru safnað saman og greint yfirgripsmikil gögn úr margs konar umferðarslysum.
Með því að huga vel að smáatriðum og með þrotlausum rannsóknum á árekstrarprófunum hefur okkur tekist að þróa yfirbyggingu með sérstyrktum hringlaga grindum. Auk þess að vernda farþega er árekstraröryggi Subaru hannað til að vernda gangandi vegfarendur.
Árekstraröryggi Subaru er hugmynd sem varð til upp úr þeirri hugmyndafræði Subaru að gera kröfu um öryggi í hverjum einasta þætti hvers einasta bíls.

Vörn gegn árekstrum.

Allt frá því að Subaru byrjaði að framleiða bíla hefur verið forgangsatriði að leggja áherslu á þróun „öryggistækni“ til varnar gegn árekstrum. Subaru-bílar eru búnir ýmiss konar tækni sem ætlað er að vernda farþega og líf gangandi vegfarenda ef til árekstrar kemur. Hönnun alls sem viðkemur bílnum með það að markmiði að tryggja fyllsta öryggi er hugmyndafræði um árekstraröryggi sem einkennir Subaru og hún er greinileg í búnaði á borð við yfirbyggingu með sérstyrktum hringlaga grindum til verndar gegn árekstrum eða staðsetningu vélarinnar sem ver farþega fyrir höggum við árekstur.

Yfirbygging með sérstyrktum hringlaga grindum

Hjarta alhliða öryggis

Hönnun þessarar yfirbyggingar felur í sér hringlaga grind sem tengir saman A-, B- og C-stoðirnar vinstra og hægra megin gegnum þakið og gólfið, ásamt styrktum hliðargrindum og sílsalistum sem tengja hliðar yfirbyggingarinnar saman og mynda búr sem verndar farþegarýmið í miðjunni. Þessi hönnun virkar mjög vel til að deyfa högg úr hvaða átt sem er ef slys verður.

Framan-/aftanákeyrslur

Boxer-vél frá Subaru – kemur í veg fyrir meiðsli farþega

Subaru-bílar hafa gegnum tíðina verið knúnir gagnstrokka BOXER-vélinni frá Subaru.
Vélin er í eðli sínu með lága þyngdarmiðju og af því leiðir að hægt er að koma gírkassanum og öðrum íhlutum aflrásarinnar fyrir í beinni, samhverfri línu. Þessi hönnun gerir að verkum að vélin getur lagst eða runnið undir gólfið við framanákeyrslu og sannað hefur verið að hún er mun öruggari en aðrar vélar, þar sem gírkassinn og aðrir íhlutir aflrásarinnar þrýstast inn í farþegarýmið við árekstur.

Dregið úr meiðslum á fótleggjum

Ef bíllinn lendir í framanákeyrslu færast fótstig bílsins oft aftur á bak og valda áverkum á fótlegg ökumannsins. Allir Subaru-bílar eru búnir fótstigum sem dragast sjálfkrafa inn til að lágmarka meiðsl af þessu tagi. Hemlafótstigin dragast inn með aðstoð grips og kúpling með höggdeyfingu (beinskiptar gerðir) takmarkar breytingar á stöðu fótstigsins. Í fóthvílur (sjálfskiptar gerðir) er einnig notað höggdeyfandi efni til að draga úr fótameiðslum ökumanns.

Púðar sem blásast samstundis upp

SRS-loftpúðarnir við sæti ökumanns og farþegasætin virka samhliða öryggisbeltunum. Þeir eru brotnir saman og geymdir inni í stýrinu og mælaborðinu en blásast samstundis upp í loftpúða við árekstur til að auka vernd farþeganna.

Öryggisbúnaður til verndar gegn óhöppum

Öryggisbeltin í Subaru-bílunum eru búin ýmsum eiginleikum til að auka öryggið.
Forstrekkjarinn strekkir samstundis á öryggisbeltinu við árekstur og heldur farþegunum tryggilega í sætunum. Álagstakmarkarinn viðheldur spennu í beltinu, sem dregur úr áverkum á bringu farþegans, og öryggisbeltisstillirinn breytir stöðu axlarólarinnar þannig að það henti fólki af mismunandi stærð.

Vörn gegn hálshnykk og áverkum farþega

Sæti gegna afar mikilvægu hlutverki við að verja farþega við aftanákeyrslu. Stöðluð framsæti í Subaru-bílum eru með búnaði til að draga úr höggi á þrjá vegu: (1) Virkir höfuðpúðar sem halda vel við höfuðið. (2) Álagsminnkandi höfuðpúðar með tvískiptri innri uppbyggingu deyfa höfuðhögg og draga úr hálshnykk. (3) Allt sætisbakið deyfir höggið sem kastar farþegum aftur á bak og dregur þannig úr högginu sem farþegar fá á sig. Höggdeyfandi efni hefur einnig verið notað í loftið og annað yfirborð í farþegarýminu til að draga úr högginu sem höfuð farþega fær á sig við árekstur.

Þriggja punkta öryggisbelti í öllum sætum til að auka öryggið

Öll aftursætin í Subaru-bílum eru með þriggja punkta öryggisbelti sem halda vel utan um mitti og brjóstkassa farþeganna. Allur inndráttarbúnaður er með búnað fyrir barnabílstóla (ALR).

Samhverf staðsetning samhverfa aldrifsins og BOXER-vélarinnar vernda farþega fyrir höggi með því að nýta alla uppbyggingu undirvagnsins sem svæði sem lagst getur saman ef árekstur verður. Hver íhlutur í farþegarýminu hefur verið hannaður með öryggið í fyrirrúmi og framleiddur úr höggdeyfandi efni til að verja viðkvæman mannslíkamann. Þessa hugmyndafræði má rekja til þeirrar staðreyndar að jafnvel smæstu hlutir geta verið hættulegir ef þeir lenda í þeim mikla krafti sem myndast getur við árekstur. Einnig hafa verið notuð öryggisfótstig og lögun sæta sem dregur úr áverkum af völdum hálshnykks við aftanákeyrslu.

Árekstur frá hlið / á ská, velta

Afar örugg yfirbygging sem hjálpar til við að verja farþegarýmið við veltu

Allir Subaru-bílar státa af mjög góðum stöðugleika við akstur þar sem þeir eru hannaðir með lága þyngdarmiðju og fjöðrunarkerfi sem skilar frábærri spyrnu. Í hnotskurn eru Subaru-bílar hannaðir með það fyrir augum að lítil hætta sé á veltu. Ef bíllinn lendir af einhverjum sökum í veltu sér traust yfirbyggingin með sérstyrktum hringlaga grindum og umbreyting höggdeyfandi efnanna til þess að verja farþegarýmið vel fyrir hættu. Höggdeyfandi efnin sem notuð eru í loftið og farþegarýmið, SRS-loftpúðar í hliðum að framan og SRS-loftpúðatjöld ásamt öðrum öryggisbúnaði draga einnig úr hvers kyns höggum sem höfuð sérhvers farþega getur orðið fyrir.

Höggdeyfandi stoðir og áklæði í lofti

Höggdeyfandi byggingarlag hefur verið notað í allt yfirborð í kringum höfuðrými ökumanns- og farþegasæta til að veita betri vernd við árekstur.

Fyrsta varnarlínan við hliðarárekstur

Styrktarbitum hefur verið bætt við innan í dyrakörmunum sem hjálpa til við að koma í veg fyrir aflögun farþegarýmisins við hliðarárekstur og tryggja öryggi farþeganna innanborðs. Þessir bitar hafa verið settir upp sem staðalbúnaður í öllum Subaru-gerðum frá því að önnur kynslóð Subaru Legacy kom á markað árið 1993.

Vernd fyrir alla farþega

Við hliðarárekstur blásast út hliðarloftpúðar sem komið er fyrir inni í ytri jöðrum ökumanns- og farþegasætanna til að verja brjóstkassa og mitti ökumanns eða farþega. Við veltu eða hliðarárekstur blásast loftpúðatjöld út úr loftinu til að verja höfuð og háls ökumanns, farþega og þeirra sem sitja í aftursætunum.
Loftpúðatjöld skapa mun stærra hlífðarsvæði umhverfis höfuðið og koma að góðu gagni fyrir farþega af ýmsum stærðum sem sitja í ýmsum stöðum.

Subaru-bílar eru með sterka hliðarbita í hurðunum báðum megin á bílnum sem verja farþega við hliðarárekstur. Sérstyrktar hringlaga grindur yfirbyggingarinnar gera hana afar sterka og veita góða vörn fyrir allt farþegarýmið ef til áreksturs eða veltu kemur. SRS-loftpúðum í hliðum að framan og SRS-loftpúðatjöldum hefur verið bætt við og höggdeyfandi efni notuð í allt innanrýmið til að verja betur höfuð og líkama farþega í farþegarými sem er allt hannað með það fyrir augum að draga úr höggum af völdum áreksturs.

Vernd gangandi vegfarenda og samhæfi

Dregið úr fótameiðslum gangandi vegfarenda

Höggdeyfandi byggingarlag hefur verið notað umhverfis svæði framstuðarans, sem mestar líkur eru á að lendi á fótleggjum gangandi vegfarenda ef slys ber að höndum. Þessi búnaður dregur í sig orkuna frá árekstrinum sem annars hefði lent á fótleggjum gangandi vegfaranda og verndar þar með hnéliðina og aðra líkamshluta fyrir hugsanlegum meiðslum.

Bílar smíðaðir af umhyggju fyrir öðrum

Ef tveir bílar lenda í slysi er það yfirleitt minni eða léttari bíllinn sem verður fyrir meiri skemmdum við áreksturinn. Subaru hefur tekið afgerandi afstöðu í þá átt að þróa bíla sem tryggja fullnægjandi öryggisstig gagnvart hinum bílnum með því að smíða skilvirka, höggdeyfandi grind auk þess að bjóða upp á traust farþegarými sem verndar farþegana og heldur þeim tryggilega á sínum stað með fullkomnum öryggisbúnaði.

Komið í veg fyrir höfuðmeiðsli gangandi vegfarenda

Framrúðuþurrkurnar eru hannaðar þannig að þurrkuarmarnir losna frá þegar þeir verða fyrir höggi. Sökum þessarar einingabyggingar er lítil hætta á að gangandi vegfarandi verði fyrir meiðslum af völdum rúðuþurrkuendanna ef hann lendir ofan á vélarhlíf bílsins.

Eitt af einkennum BOXER-vélarinnar er hversu lágt hún liggur. Þetta gefur kost á plássi undir vélarhlífinni til að deyfa högg ef gangandi vegfarandi lendir ofan á bílnum, þar sem gæti verið mikil hætta á höfuðmeiðslum. Jafnvel lamir og gasdemparar vélarhlífarinnar eru hönnuð til að draga úr höggum og framstuðarinn er byggður þannig að hann dragi í sig orku frá árekstri þar sem stuðarar lenda gjarnan á fótleggjum gangandi vegfarenda. Þetta eru aðeins nokkur dæmi um það hvernig Subaru hefur hannað allt sem viðkemur bílunum með verndun farþeganna í huga, auk þess að stuðla að öryggi gangandi vegfarenda og annarra.

Subaru Global Platform

Kostirnir við Subaru Global undirvagninn eru ekki takmarkaðir við akstur, heldur eykur hann einnig verulega alhliða öryggi Subaru.

Þökk sé mikilli stífni og lágum þyngdarpunkti að framúrskarandi aksturseiginleikar nást. Með aukinni hemlunargetu bregst bíllinn einnig fljótt við. Þá hefur árekstraröryggi einnig verið aukið. Bættur styrkur yfirbyggingar og hagrædd uppsetning undirvagnsins eru höggdeyfandi. Við erum að auka enn frekar árekstraröryggi Subaru, sem hefur unnið hæstu einkunn í öryggisprófunum um allan heim.